Find Your Next Job

Vestre Slidre kommune

Barnehagelærar

Posted on April 23, 2025

Slidre, Norway
0 - 0 USD (yearly)

Full Time

(i ny fane)

Om stillinga

Frå og med barnehageåret 2025-2026 lyser vi ut etter:

100 % fast stilling som barnehagelærar i Slidre kulturbarnehage frå og med 01.08.2025.

Det viser seg at Vestre Slidre kommune er ei attraktiv kommune å bu i, og i den anledning har Slidre kulturbarnehage utvida til 90 barnehageplassar.
Vi har i dag ein barnehage, fordelt på to barnehagebygg. Barnehagane ligg tett ved kvarandre og ein samarbeider tett på tvers.

Vi i Slidre kulturbarnehage er opptekne av natur, kunst, nærmiljø og samfunn. Vår barnehage ligg særs sentralt til i Vestre Slidre kommune, og vi har kort veg til skule, bibliotek, kulturskule, kommunehus, Helsetun, m.m.
Vi samarbeider med kulturskulen i kommunen og har mellom anna musikk i barnehagen ei gong i veka. I tillegg kjem kulturskulen på jamlege besøk gjennom året for å halda konsertar for oss.
Det er også særs viktig for oss å væra mykje ute i naturen, og vi er så heldige å ha ei grillhytte på uteområdet vårt, samt ein gapahuk rett i nærleiken.

Vi har ei personalgruppe med brei kompetanse, beståande av personale med lang erfaring, i tillegg til fleire nyutdanna.
Gjennom god omsorg og tett foreldresamarbeid har vi som mål å gje kvart enkelt barn ein god dag – kvar dag!

Vi ser fram til å sjå deg på søkarlista, du som synes dette ser interessant ut!

Nøkkelinformasjon

Søknadsfrist:

08.05.2025

Arbeidsgivar:

Vestre Slidre kommune

Stad:

Slidre

Stillingstittel:

Barnehagelærar

Heiltid / Deltid:

Heiltid

Tilsetjingsform:

Fast

Stillingsprosent:

100

Webcruiter-ID:

4959460980

Startdato:

01.08.2025

Del på LinkedIn Del på Facebook Del på e-post

Arbeidsoppgåver

Dagleg omsorg for det enkelte barn
Fokus på trivsel, livsmeistring og helse
Tett samarbeid med pedagogisk leiar, samt samarbeid med øvrig personal, og på tvers av avdelingar.
Medansvar for planlegging, gjennomføring, vurdering og dokumentasjon - dette i samsvar med rammeplan for barnehagar.
Evne å ta i mot rettleiing og reflektere rundt eigen praksis, samt kunne rettleie personal og føresette.
Bidra til godt foreldresamarbeid
Vera ein ressursperson i barnehagen med leiken som pedagogisk verkemiddel

Kvalifikasjonar

Du har godkjent 3-årig høgskuleutdanning som barnehagelærar
Anna høgare pedagogisk utdanning kan bli vurdert.
Fagarbeidar innan barne- og ungdomsarbeidarfaget /ufaglærte med erfaring kan også bli vurdert til fagarbeidarstilling ved interne opprykk/omrokeringar

Personlege eigenskapar

Er ein fleksibel, aktiv og engasjert vaksen
Har evne til refleksjon over eigen praksis i lag med resten av fagmiljøet
Har gode samarbeidsevner- og vilje
Er strukturert og sjølvstendig i sitt arbeid.
Er genuint oppteken av barnehagebarns utvikling i interaksjon med andre
Beherskar god kommunikasjon, munnleg og skriftleg
Eignaheit vil bli vektlagt

Vi tilbyr

Eit positivt og stabilt arbeidsmiljø
Aktive og spanande dagar i lag med barn med fokus på barnehagefaget
Stillingsbeskriving for alle stillingar i barnehagen
Rettleiing til nyutdanna barnehagelærarar
Løn etter tariff og elles arbeidsvilkår etter dei reglar som til ei kvar tid går fram av gjeldande lover, reglement og tariffavtalar
Gode pensjons- og forsikringsordningar

Adresse: viovegen 14, Slidrevegen 16, 2966 Slidre, Norge

Opne vegbeskriving (i ny fane)

Kontaktinformasjon

Kristin Bråten Tvenge

Styrar

Telefon: 94803824

E-post: Kristin.Braten.Tvenge@vestre-slidre.kommune.no

Karin Årnes Midthus

Assisterandre styrar

Telefon: 90 26 44 33

E-post: Karin.Arnes.Midthus@vestre-slidre.kommune.no

Om arbeidsgivaren

Andre opplysningar

Eit godt arbeidsmiljø er prega av mangfald. Vi oppmodar alle kvalifiserte kandidatar til å søkje uavhengig av kjønn, funksjonsevne eller kulturell bakgrunn. Arbeidsplassen vil bli tilrettelagt ved behov. Det vert gjort merksam på at namnet på ein søkjar kan bli gjort offentleg sjølv om søkjaren har bedt om at namnet blir unnteke offentleg søkjarliste. Ynskje om unntak frå offentleg søkjarliste må grunngjevast i søknaden, jf. offentleglova § 25, andre ledd. Søkjaren vert varsla dersom ynskje ikkje kan takast til følgje.

Vestre Slidre kommune er ein landbruks- og reiselivskommune i Valdres, og som ligg vakkert til nær Jotunheimen, er 457 km2 stor og har omlag 2 100 innbyggjarar. Vi har ei god skule, full barnehagedekning og ei av dei beste kulturskulane i landet. Kommunen har også eit rikt kulturliv med song, musikk og idrett, og eit vidt spekter innanfor lag og foreiningar.

Her ligg det til rette for aktivt friluftsliv - både sommar og vinter. Største delen av fjellområda i kommunen er statsallmenning. For jakt- og fiskeinteresserte byr dette på mange gode - som for eksempel fiske med garn og oter i alle vatn i allmenningen, og tilgang til småviltjakt. Vestre Slidre kommune kan også by på eit alpinanlegg og 300 km oppkøyrte skiløyper i vårt vakre og varierte fjellområde, samt to lysløypeanlegg. Det er god kommunikasjon til Oslo og Vestlandet via E-16, som går gjennom kommunen.

Flytte til Valdres? Sjå http://www.velgvaldres.no

Tailor Your Resume for this Job

Share with Friends!

Similar Jobs

Ålesund kommune