Find Your Next Job

Barnevernkonsulent

Posted on April 22, 2025

Slidre, Norway
0 - 0 USD (yearly)

Full Time

(i ny fane)

Om stillinga

Felles barnevernteneste for Vang og Vestre Slidre kommune har ledig vikariat som barnevernkonsulent frå 01.06.25 med eit års varigheit. Vi har også ledig vikariat i deltidsstilling.

Har du lyst til å vera med å utvikle tenesta vår? Då bør du nytte moglegheita til å søke no!

Opplysningar om arbeidsstaden og stillinga:
Felles barnevernteneste for Vang og Vestre Slidre kommune er ei interkommunal teneste der Vestre Slidre er vertskommune. Tenesta består av 7,4 årsverk godt utdanna og engasjerte fagfolk. Tenesta er organisert under avdelinga Familie, helse og førebygging. Barneverntenesta har fokus på å bygge gode og skreddarsydde tiltak for barn, unge og familiar der dei bur. Barnevernet har eit stort fokus på korleis vi organiserer tenesta for å sikre kvalitet og effektivitet i sakshandsaming. Det leggjast stor vekt på tverrfagleg samarbeid med andre tenester.
Tenesta jobbar i hovudsak etter generalistmodellen, som omfattar oppgåver knytte til mottak, akuttarbeid, undersøking, hjelpetiltak, omsorgstiltak/fosterheim og ettervern. Du får difor en variert kvardag og brei erfaring som barnevernkonsulent.

Nøkkelinformasjon

Søknadsfrist:

18.05.2025

Arbeidsgivar:

Vestre Slidre kommune

Stad:

Slidre

Stillingstittel:

Barnevernkonsulent

Heiltid / Deltid:

Heiltid

Tilsetjingsform:

Vikar

Stillingsprosent:

100

Webcruiter-ID:

4958539316

Del på LinkedIn Del på Facebook Del på e-post

Arbeidsoppgåver

Undersøking og oppfølging av hjelpe- og omsorgstiltak
Dokumentasjon, vedtaksskriving og overhalding av fristar i tråd med lovverk
Partsrepresentant i Fylkesnemnda og øvrige rettsinstansar
Deltaking i akuttarbeid i barneverntenesta
Samarbeid med interne og eksterne samarbeidspartar

Kvalifikasjonar

3-årig relevant utdanning på høgskule- eller universitetsnivå som barnevernspedagog, sosionom eller vernepleier
Påbegynt eller fullført masterutdanning eller annan relevant vidareutdanning er ein fordel, men ikkje eit krav
Det er ynskjeleg med erfaring innan kommunal barnevernteneste
Førerkort klasse B (Krav)

Personlege eigenskapar

Vi ynskjer deg som:

har god relasjonskompetanse
kan uttrykke deg godt munnleg og skriftleg
har evne til å arbeide sjølvstendig, målretta og strukturert
har gode samarbeidsevner både internt og mot eksterne aktørar
er fleksibel og har høg arbeidskapasitet
har eit fagleg engasjement
er trygg, raus og har evne til å bruke humor og varme i fagutøvinga
vil bidra til gode tverrfaglege løysingar
har ei grunnleggande positiv innstilling

Vi tilbyr

Løn etter tariff. Som eit rekrutteringstiltak tilbyr vi minimum 8 års ansiennitet
Ellers gjeld arbeidsvilkår etter dei reglar som til ei kvar tid går fram av gjeldande lover, reglement og tariffavtalar
Gode pensjons- og forsikringsordningar
Fleksibel arbeidstid
Spennande og meningsfylte arbeidsoppgåver
Eit inkluderande, engasjert og kompetent arbeidsmiljø
Moglegheit for fagleg og personleg utvikling.
God støtte og rettleiing ved oppstart i stillinga
Veiledning med ekstern veileder

Adresse: Slidrevegen 16, 2966 Slidre, Norge

Opne vegbeskriving (i ny fane)

Kontaktinformasjon

Randi Stenberg

Barnevernleiar

Telefon: 97781956

E-post: randi.stenberg@vestre-slidre.kommune.no

Melanie Degen

Tenesteleiar Familie, helse og førebygging

Telefon: 94978343

E-post: melanie.degen@vestre-slidre.kommune.no

Om arbeidsgivaren

Andre opplysningar

Eit godt arbeidsmiljø er prega av mangfald. Vi oppmodar alle kvalifiserte kandidatar til å søkje uavhengig av kjønn, funksjonsevne eller kulturell bakgrunn. Arbeidsplassen vil bli tilrettelagt ved behov. Det vert gjort merksam på at namnet på ein søkjar kan bli gjort offentleg sjølv om søkjaren har bedt om at namnet blir unnteke offentleg søkjarliste. Ynskje om unntak frå offentleg søkjarliste må grunngjevast i søknaden, jf. offentleglova § 25, andre ledd. Søkjaren vert varsla dersom ynskje ikkje kan takast til følgje.

Vestre Slidre kommune er ein landbruks- og reiselivskommune i Valdres, og som ligg vakkert til nær Jotunheimen, er 457 km2 stor og har omlag 2 100 innbyggjarar. Vi har ei god skule, full barnehagedekning og ei av dei beste kulturskulane i landet. Kommunen har også eit rikt kulturliv med song, musikk og idrett, og eit vidt spekter innanfor lag og foreiningar.

Her ligg det til rette for aktivt friluftsliv - både sommar og vinter. Største delen av fjellområda i kommunen er statsallmenning. For jakt- og fiskeinteresserte byr dette på mange gode - som for eksempel fiske med garn og oter i alle vatn i allmenningen, og tilgang til småviltjakt. Vestre Slidre kommune kan også by på eit alpinanlegg og 300 km oppkøyrte skiløyper i vårt vakre og varierte fjellområde, samt to lysløypeanlegg. Det er god kommunikasjon til Oslo og Vestlandet via E-16, som går gjennom kommunen.

Flytte til Valdres? Sjå http://www.velgvaldres.no

Tailor Your Resume for this Job

Share with Friends!

Similar Jobs

Hasvik kommune