Find Your Next Job
Fastlegeheimel 3x Vikariat Ved Ørsta Helsesenter
Posted on March 18, 2025
- Ørsta, Norway
- No Salary information.
- Full Time
Fastlegeheimel 3x vikariat ved Ørsta helsesenter
Helse, tildeling og koordinering, Ørsta kommune
(i ny fane)
Om stillinga
I Ørsta kommune er det ledig vikariat som fastlege ved Ørsta helsesenter.
- ein heimel med listetak 650 i perioden 01.06.25 - 01.06.26 (oppstart 01.05.25 kan vere aktuelt)
- ein heimel med listetak 735 i perioden 01.07.25 - 31.07.26
- ein heimel med listetak 820 frå medio mai til ca. 01.09.25. Kan bli forlenga
Ørsta helsesenter er eit aksjedrive praksisfellesskap som har samarbeidsavtale med kommunen. Vi held til i nye, moderne lokale i Ørsta sentrum. Det er eit godt fagleg og sosialt miljø ved legesenteret, med fast møtestruktur for fagleg utvikling. Andre kommunale helsetenester er lokalisert i same bygg.
Legesenteret har 15 fastlegeheimlar og to stillingar for LIS 1. Det er mange erfarne legar på legesenteret som har jobba her lenge, noko som har gitt eit godt og stabilt miljø. Det same gjeld hjelpepersonellet. Alle legane er spesialistar i allmennmedisin, eller dei er i slik spesialisering. Dersom det er aktuelt for deg, vil du få tilbod om ALIS-avtale.
Vilkår for drift av praksisen går fram av sentrale lover, forskrifter og avtalar som regulerer fastlegeordninga. Det er ein fordel om du ønsker å vere næringsdrivade fastlegevikar, men fast løn kan også vurderast.
Per i dag er det ikkje knytt kommunale allmennlegeoppgåver til heimelen. Legesenteret har både LIS1- og ALIS-legar og du må rekne med å delta i rettleiing og supervisjon av desse. Du må også rekne med å kunne få andre oppgåver dersom kommunen ser behov for det.
Kommunen har eigne sjukeheims- og helsestasjonslegar, og vi har kommuneoverlege i 100 % stilling
Legevakt på dagtid (8.00-15.30) er organisert på legesenteret. Utanfor vanleg opningstid er legevakt lokalisert i nye, flotte lokale i Hovdebygda. Søre Sunnmøre legevakt er eit interkommunalt legevaktssamarbeid, der det alltid er sjukepleiar på jobb saman med legevaktslege. Legevakta har også eigen legevaktbil med ambulansearbeidar, som gjer legevaktsarbeidet meir mobilt. På legevakt er legane fastløna. Det er mange legar som deler på vaktene, så vaktbelastninga er ikkje stor.
Nøkkelinformasjon
Søknadsfrist:
08.04.2025
Arbeidsgivar:
Ørsta kommune
Stad:
ØRSTA
Stillingstittel:
Fastlegeheimel, vikariat ved Ørsta helsesenter
Stillingar:
3
Heiltid / Deltid:
Heiltid
Tilsetjingsform:
Vikar
Stillingsprosent:
100
Webcruiter-ID:
4936030286
Startdato:
01.04.2025
Sluttdato:
05.06.2026
Del på X
Del på LinkedIn
Del på Facebook
Del på e-post
Arbeidsoppgåver
Fastlegeoppgåver i samsvar med lov- og avtaleverk.
Dette inkluderer
- deltaking i legevakt i samsvar med fastlegeforskrifta
- ved behov, kommunale allmennlegeoppgåver i samsvar med fastlegeforskrifta §12
Kvalifikasjonar
Du må
- oppfylle krava i Forskrift om kompetansekrav for leger i den kommunale helse- og omsorgstjenesten
- uttrykke deg godt på norsk, både munnleg og skriftleg
- ha førarkort klasse B
- legge fram politiattest av nyare dato før oppstart
Dersom du ikkje er spesialist i allmennmedisin vil du få tilbod om ALIS-avtale
Personlege eigenskapar
Vi ser etter ein lege som
- er fagleg engasjert og ønsker å vere med på å utvikle fastlegetenesta i kommunen
- samarbeider godt både internt og eksternt
- ønsker å bidra i det kollegiale felleskapet på legekontoret
- er opptatt av å skape gode pasientmøte
- ser verdien av tverrfagleg samarbeid
- synest det er spanande med variasjon og fart i allmennpraksis
- tek ansvar for pasientlista si, og taklar tempoet dette tidvis krev
Vi tilbyr
- nye og trivelige lokalitetar
- ALIS-avtale
- godt kollegialt fellesskap både fagleg og sosialt
- ei god blanding av erfarne og nye fastlegar
- ny og moderne legevakt på kveld, helg og natt
- god avtale som næringsdrivande lege
Adresse:
Dalevegen 28A, 6153 ØRSTA, Norge
(i ny fane)
Kontaktinformasjon
Martinus Velle
Tillitsvald legeforeininga
E-post:
vellem89@hotmail.com
Runa Bakke
Tenesteleiar helse, tildeling og koordinering
Telefon:
91621147
E-post:
runa.bakke@orsta.kommune.noOm arbeidsgivaren
Ørsta kommune er med om lag 11 000 innbyggjarar ei av dei største kommunane i Møre og Romsdal. Kommunen har ein variert arbeidsmarknad og næringsliv. Den gode geografiske plasseringa vår i lina mellom Eiksundsambandet og Kvivsvegen gjev også kort veg til anna næringsliv i regionen Søre Sunnmøre/Nordfjord, og til utdanningstilbod i Ørsta og Volda. Kommunen har gode kommunikasjonar. Flyplassen har fleire daglege direkteruter til Oslo og Bergen.
Arbeidet vårt byggjer på kommunen sine verdiar:
Tillit - gjennom gjensidig respekt, forståing og likeverd
Energi - gjennom entusiasme, inkludering og humor og glede
Løysingsvilje - gjennom lagånd, tydelege mål og meiningsfylte oppgåver
Tillit - gjennom gjensidig respekt, forståing og likeverd
Energi - gjennom entusiasme, inkludering og humor og glede
Løysingsvilje - gjennom lagånd, tydelege mål og meiningsfylte oppgåver
Utvikling - gjennom medverknad, tilbakemelding og verdsetjing av kunnskap
Tailor Your Resume for this Job
Share with Friends!