Find Your Next Job
Helsesjukepleiar
Posted on March 20, 2025
- Nordfjordeid, Norway
- 0 - 0 USD (yearly)
- Part Time
Stad kommune søkjer etter helsesjukepleiar. Stillinga er finansiert av eksterne midlar og er ei engasjementstilling. Perioden vert i første omgang sett frå snarast til ett år frå oppstartsdato, men kan verte forlenga. Kommunen har fått midlar frå Helsedirektoratet for å styrke og utvikle kommunens helsestasjon og skulehelseteneste.
Kommunen har helsestasjonslokalar både i Selje og på Nordfjordeid med felles leiing. Stillinga er plassert med oppmøtestad på Nordfjordeid
Helsestasjonen, skulehelsetenesta og helsestasjon for ungdom er organisert i eininga for helse saman med jordmorteneste, fysio- og ergoterapitenesta, velferdsteknologi, Frisklivssentralen og legetenesta.
Helsestasjonen har 8 årsverk for helsesjukepleiar, samt helsestasjonslege. Jordmorressursen vår er plassert på God Start i Helse Førde sine lokalar. Fysioterapeut er knytt til helsestasjonen og vi har eit nært tverrfagleg samarbeid med andre som gir tenester til barn og unge.
Helsestasjonen har ansvar for svangerskapsomsorg, helsestasjon 0 - 5 år, skulehelseteneste og HFU.
Stad kommune er oppteken av tverrfagleg samhandling kring born og unge, vi jobbar etter BTI modellen og helsestasjonen har ei viktig rolle i dette arbeidet.
Er du engasjert, fagleg interessert og motivert vil vi ha deg med på laget.
Som helsesjukepleiar arbeider du for å fremme barn og ungdom si helse, samarbeide med foreldre og andre faggrupper. Helsesjukepleiar er og ein sentral aktør i kommunen sitt folkehelsearbeid
Nøkkelinformasjon
Søknadsfrist:
06.04.2025
Arbeidsgivar:
Stad kommune
Stad:
Nordfjordeid
Stillingstittel:
Helsesjukepleiar
Stillingar:
1
Heiltid / Deltid:
Heiltid
Tilsetjingsform:
Engasjement
Stillingsprosent:
100
Webcruiter-ID:
4935751024
Arbeidsoppgåver
- Helseopplysning og helsesamtale
- Kartlegging og oppfølging av barn og ungdom si helse, trivsel og utvikling
- Foreldresamtale og foreldrerettleiing
- Undervisning i grupper og skuleklasser
-
Vaksinasjon
- Koordinatoransvar og tverrfagleg samarbeid
-
Arbeider etter gjeldande lover og retningsliner
- God skriftleg og munnleg framstillingsevne
- Journalføring i fagprogram
Kvalifikasjonar
- Helsesjukepleiarutdanning
- Sertifisering innna ICDP og Cos-P eller andre foreldrerettleiingsmetoder er ein fordel
- God datakompetanse er nødvendig
- Førarkort klasse B
-
Disponere eigen bil
Personlege eigenskapar
- Du må ha gode samarbeidsevner og vere motivert for å arbeid med barn og unge
- Det blir lagt vekt på personleg eignaheit for stillinga
- Bidrar i utviklingsarbeid
- Trygg i kommunikasjon med barn, unge og føresette
- Er sjølvstendig, fleksibel og strukturert
- Bidra til eit godt arbeidsmiljø
Vi tilbyr
- Utfordrande og spennande arbeidsoppgåver
- Mogeleg fagleg og personleg utvikling
- Godt og inkluderande arbeidsmiljø
- Løn- og arbeidsvilkår i samsvar med lov- og avtaleverket
- Gode pensjons- og forsikringsordningar
Stad kommune har 6 månadar prøvetid. Vi ber om at relevante vitnemål og attestar vert lasta opp saman med søknaden. Vi ber om at du oppgir relevante referansar av nyare dato. Politiattest skal leggjast fram før start i stillinga.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ta gjerne kontakt for ein prat om stillinga!
Adresse:
Rådhusvegen 11, 6770 Nordfjordeid, NorgeKontaktinformasjon
Linda Gotteberg
einingsleiar helse
Telefon:
41694203
E-post:
linda.gotteberg@stad.kommune.no
Britt Tomasgard
Avdelingsleiar
Telefon:
95128538
E-post:
Britt.Tomasgard@stad.kommune.noOm arbeidsgivaren
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
https://www.nordfjord.no/stad
https://www.einstadistad.no/
Tailor Your Resume for this Job
Share with Friends!