Jordmor Og Ungdomskontakt

Helsestasjon i Sunnfjord treng

Jordmor og Ungdomskontakt i 100 %vikariat

Helsestasjonen yt helsefremjande og førebyggande tenester til barn, unge og deira familiar, samt svangerskapsomsorg. Vi har avdelingar på Vassenden/Skei, Naustdal, Sande og Førde.

Sunnfjord kommune har styrka satsinga på barn og unge, og har starta opp avdelinga Barn, unge og familiestøtte, BUFA, som ei avdeling i eining Helsestasjonen. Avd. BUFA skal vere eit lågterskel, førebyggande og behandlande psykisk helsetilbod, i tett samarbeid med svangerskapsomsorga, Helsestasjonen 0 – 5 år og skulehelsetenesta, og er tverrfagleg samansett med spisskompetanse på psykisk helse, rus, åtferd og foreldrestøtte-/rettleiing.

Vi har ledig følgande vikariat, frå kring 01.04.25:

100 % vikariat i stillinga som jordmor i svangerskapsomsorga på Helsestasjonen

100 % vikariat i stillinga som Ungdomskontakt i avd. BUFA

Kvalifikasjonar for jordmorstillinga:

• offentleg autorisasjon som jordmor
• gjerne erfaring med arbeidet som jordmor i kommunehelsetenesta

Kvalifikasjonar for ungdomskontakten:

• 3-årig høgskuleutdanning
• ønskjeleg med vidareutdanning innan psykisk helse, rus og åtferdsproblematikk, kompetanse innan ungdomsarbeid
• lang relevant erfaring kan kompensere for manglande utdanning
• ha fleksibilitet til kunne jobbe på dagtid, noko på ettermiddag/kveld, samt i høve planlagde arrangement til målgruppa

For begge vikariata legg vi vekt på at du har:

• erfaring frå arbeid med barn, unge og familiar
• fokus på eit helsefremjande og førebyggande arbeid retta mot individ, ulike grupper og lokalmiljø
• gode kommunikasjonsevner og evne til god relasjonsbygging med brukarar
• gode samarbeidsevner og fungere godt i team med kollegaer
• evne til å vere fleksibel, lojal og tilpassingsdyktig i høve oppgåver
• evne til å kunne jobbe både strukturert, sjølvstendig, ansvarsbevisst, løysningsfokusert, og samhandlar godt med andre
• er positiv og bidreg til eit godt arbeidsmiljø
• god datakompetanse, vilje og evne til å lære nye datasystem, samt erfaring med elektronisk pasientjournal

Du må ha førarkort kl. B, og kunne disponere eigen bil. Gyldig politiattest må leggast fram før start i stilling.

Vi tilbyr:

• ein meiningsfylt og sjølvstendig arbeidsdag med varierte oppgåver
• godt arbeidsmiljø og engasjerte kollegaer
• god pensjons- og forsikringsordning

Du søker elektronisk.

Velkommen som søkar. Vi ser fram til å høyre frå deg!