Find Your Next Job
Norconsult Sogn Og Fjordane Søkjer Senior Marinbiolog
Posted on April 24, 2025
- Førde, Norway
- No Salary information.
- Full Time
Har du interesse av å jobbe med marint miljø? Vi søkjer no etter ein erfaren marinbiolog for å styrke vårt fagmiljø ved kontoret i Førde. Tilsettingar ved andre kontor i Sogn og Fjordane kan også vere aktuelt, avhengig av kompetanse og erfaring.
Norconsult Sogn og Fjordane har kontor i Førde, Flekke, Sogndal, Gaupne, Årdal, Lærdal, Sandane og på Nordfjordeid, med over 90 medarbeidarar totalt. Vi utfører tenester innan samfunns- og areal-planlegging, veg- og trafikk, landskapsarkitektur, VA, VVS, landmåling, geoteknikk, industri/maskin, ingeniørgeologi, miljø, konstruksjon, brann, akustikk, bygg- og anlegg og prosjektadministrasjon.
Norconsult er leiande innan miljørådgjeving i Norge, og har over 100 personar som jobbar fast med ulike miljørelaterte problemstillingar innan fagområde som marint miljø, miljøkjemi, miljøgeologi, hydrogeologi, miljøovervaking, miljø i bygg, miljøoppfølging og miljøstyring. Fagnettverket vårt for marint miljø består i dag av 30 rådgjevarar fordelt på ulike regionskontor. Desse rådgjevarane har master- eller doktorgrad innan marinbiologi, miljøkjemi, økotoksokologi, oseanografi, eller liknande fagretningar.
I Norconsult Sogn og Fjordane får vi stadig fleire oppdrag langs kysten, der verknader for marint miljø er eitt av fleire viktige fagtema vi skal vurdere. Som rådgjevar innan marint miljø vil du difor vere med å utvikle fagmiljøet vårt i ei tid med stadig større fokus på å beskytte naturverdiar langs norskekysten.
Du vil jobbe i tett samarbeid med vårt landsdekkande fagnettverk, der vi utvekslar fagleg kunnskap, arbeidsmetodar og verktøy på tvers av kontor innad organisasjonen. Som kompetansedelingstiltak vert det mellom anna arrangert fagseminar og videokonferansar om utvalde tema.
Vi ønskjer no fleire med på laget som kan auke vår kapasitet innan marint miljø i region Sogn og Fjordane. Vi søker spesielt etter deg som har mastergrad og seniorkompetanse (> 5 års relevant erfaring), men kandidatar med mindre erfaring vil også bli vurdert.
Dine oppgåver vil vere varierte og omfatte alle fasar av eit anlegg-/byggeprosjekt. Dei vil variere frå kartlegging i tidlegfase til rådgjeving i teknisk prosjekteringsfase, til overvaking og feltarbeid i sjø. Andre miljøfaglege oppgåver er også aktuelle, ut frå kompetanse kombinert med dine og våre ønsker/behov. Våre kundar er m.a. Kystverket, private og offentlege utbyggarar.
Døme på arbeidsoppgåver:
- Miljørådgjeving og/eller oppdragsleiing i einfaglege og tverrfaglege oppdrag
- Kartlegging av marine naturtypar i sjø ved hjelp av undervassdrone
- Marin naturkartlegging etter Miljødirektoratets instruks
- Miljøtekniske sedimentundersøkingar
- Effektvurdering av naturinngrep i sjø
- Konsekvensutrgreiingar (KU) etter handbok M-1941, inkl. sårbarheitsanalyser i plansaker
- Feltarbeid mht. naturmangfold, sediment, sjøvatn og feltmåleinstrument
- Risikovurderingar mht. marint naturmangfald
- Miljøovervaking i sjø og resipientundersøkingar
- Klassifisering av miljøtilstand iht. vassdirektivet og vassforskrifta
- Søknad om løyve til tiltak i sjø
- Visualisering og modellering ved hjelp av GIS, AutoCAD, Visual Plumes og/eller liknande
- Samarbeid og kontakt med eksterne aktørar
- Kundeoppfølging, marknadsføring og tilbodsarbeid
For oss er det viktig at du har/er:
- Mastergrad i marinbiologi eller tilsvarande
- Meir enn 5 års relevant arbeidserfaring
- Erfaring innan feltarbeid og bruk av felt- og måleutstyr i sjø
- Kjennskap til relevante rettleiarar
- God formuleringsevne på norsk, munnleg og skriftleg
- Fagleg ambisiøs med analytiske evner
- Førarkort på bil
- Sjøvant, og har gjerne båtførarbevis
- Godt humør, engasjement og gode samarbeidsevner
Hjå oss får du:
- Spennande kompetansehevings- og karrieremoglegheiter innan marknad, fag, linje og oppdrag
- Verdibasert samfunnsplanlegging med fokus på framtidsretta og berekraftige løysingar
- Sterk bedriftskultur med uformelle kommunikasjonslinjer på tvers av organisasjon og geografi
- Moglegheit til å utvikle deg saman med dyktige medarbeidarar
- Godt arbeidsmiljø og godt sosialt miljø
- Varierte oppgåver med store utviklingsmoglegheiter i spennande oppdrag
- Moglegheit til å påverke eigen arbeidskvardag
- Fleksibel arbeidstid, samt fri i romjul og påskeveka
- Sommartid med 7-timarsdag frå starten av juni til midten av august
- Bonus knytt til selskapets resultat
- Aksjeprogram for eigarskap i Norges største tverrfaglege rådgivarbedrift
- Konkurransedyktige løns- og tilsettingsvilkår
- Interne fagsamlingar, ulike sosiale arrangement, m.m.
Nysgjerrig på korleis det er å jobbe i Norconsult? Sjå korleis vi gjer kvardagen betre - kvar dag:
Hver dag forbedrer vi hverdagen - Sesongpromo
og med eigen episode frå Sogndal: Hver dag forbedrer vi hverdagen i Sogndal
Innsending av søknad:
Vi gjer merksam på at det berre er elektroniske søknadar som vil bli handsama. Oppgje i søknaden kva kontorstad du ønskjer. Ta gjerne ein uforpliktande prat med Silja Oda Solheimslid, gruppeleiar for miljø og geofag i Førde, for å få meir informasjon om stillinga: mob: 91685346 / epost:
Silja.Oda.Solheimslid@norconsult.com
Location
Førde
Application Deadline
2025-05-28
Contact person before this position
Name:
Silja Oda Solheimslid
Phone:
+47 91 68 53 46
Email:
Silja.Oda.Solheimslid@norconsult.comTailor Your Resume for this Job
Share with Friends!