Overingeniør I Tre- Og Metallverkstad

Kunnskap som formar samfunnet

Ved Fakultet for kunst, musikk og design (KMD) er det ledig 50% fast stilling som overingeniør i tre- og metallverkstaden, retta mot design.

Fakultetet har kunstnarleg utviklingsarbeid, forsking, utdanning og formidling innan kunst, musikk og design som sitt hovudformål. For tida har fakultetet omlag 190 tilsette og 700 studentar fordelt på bachelor- og masternivå. Meir informasjon finn du på vår nettside: http://www.uib.no/kmd.

Stillinga vil inngå i eit kollegium på KMD i Seksjon for verkstader og tekniske tenester som i dag har verkstadar mellom anna innan fagfelta grafikk, tre og metall, fotografi, modell, keramikk, tekstil, modell, digitale media, gips og maleri. Primær arbeidsstad for stillinga er tre- og metallverkstaden som ligg i fakultetet sine lokalar i Møllendalsveien. Stillinga rapporterer til verkstadleiar/seksjonsleiar under fakultetsdirektøren.

Overingeniøren har ansvar for drift, vedlikehald og organisering av tre- og metallverkstaden, og skal i samarbeid med kunstnarleg/vitskapleg stab, samt dei andre overingeniørane, legge til rette for høg kvalitet i utdanningstilbodet til studentane ved fakultetet. Tre- og metallverkstaden samarbeider med Institutt for design, innan fagområdet møbeldesign.

I stillinga inngår drift og ansvar for utstyr, samt HMS, medrekna:

• Vedlikehalde og vere med å vidareutvikle verkstaden når det gjeld maskinar, utstyr, materialar og teknikkar, inkl. CNC fres.
• Teknisk rettleiing og støtte til studentar.
• Samhandling med vitskapleg stab i planlegging av undervisning.
• Innkjøp og sal av materialar.
• Bidra til utvikling og oppgradering av verkstaden.
• Planlegge og strukturere tilgang for studentar i verkstaden.

• Søkar må ha utdanning på minimum bachelornivå innan relevant fagområde, men relevant realkompetanse/utdanning kombinert med relevant etter- og vidareutdanning kan kompensere for manglande formelle krav.
• Søkar må ha erfaring med handverktøy, metodar og teknikkar.
• Søkar må ha erfaring med maskinar ein nyttar i ein moderne tre- og metallverkstad.
• Det er viktig med gode samarbeidsevner der en trivest med kontakt med studentar, og kan handtere hektiske periodar etc.
• Søkar bør ha god evne til å kommunisere skriftleg og munnleg både på norsk og engelsk.
• God administrativ IT-kompetanse og generell kompetanse i data.

Ved vurdering av kandidatane vil vi leggje vekt på personlege eigenskapar som er naudsynte for stillinga.

• Varierte og utfordrande arbeidsoppgåver i eit spanande og internasjonalt fagmiljø.
• Moglegheit for vidareutvikling og kompetanseheving.
• Stilling som overingeniør (kode 1087) vert løna med årsløn tilsvarande 602 500 – 615 000 kr i 100 % stilling. For spesielt godt kvalifiserte søkjarar kan høgare løn vurderast.
• Medlemsskap i Statens pensjonskasse
• Gode velferdsordningar

• Søknadsbrev der du seier noko om din motivasjon for stillinga, kvifor du søker og kvifor du passar til stillinga.
• CV.
• Attestert kopi av vitnemål og relevante attestar.
• To referansar (namn og kontaktinformasjon).

Søknadane vert vurdert med den informasjonen og dokumentasjonen som ligg i JobbNorge når søknadsfristen går ut.

Utfyllande opplysningar om stillinga kan ein få ved å vende seg til: Seksjonssjef Heine Bringe, e-post: heine.bringe@uib.no, mobil: (+47) 92454144.

For tekniske spørsmål knytt til søknadsprosessen ta kontakt med HR ved KMD på: hrkmd@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Fakultet for kunst, musikk og design består av tre institutt.