Rådgivar Hr

Du får bistå leiinga med både store og små oppgåver, som til dømes

• å følgje opp ulike aktiviteter og tiltak i HR-avdelinga
  
• kommunikasjon for HR i etaten, til dømes på digitale flater, intranett, SharePoint
  
• budsjettarbeid, fakturering og andre økonomioppgåver
  
• oppgåver knytt til drift og vidareutvikling av prosesser i HR-avdelinga

Du vil òg bidra i arbeidet med likestilling og mangfald i Skatteetaten.

Denne stillinga passar godt for nyutdanna på masternivå innan fagområdet HR, og du må fullføre mastergraden seinast våren 2025.

Du har

• erfaring frå generelt HR-arbeid, gjerne på strategisk nivå
• erfaring med å bruke KI for å effektivisere HR-prosessar
• erfaring med å drive prosessar
• noko erfaring frå økonomi, budsjettarbeid og rapportering
• god digital kompetanse i MS Office-verktøya, særleg Excel
• erfaring med kommunikasjon på digitale flater, til dømes SharePoint, og du må difor kommunisere godt både skriftleg og munnleg

Det er ein fordel med erfaring frå statleg verksemd, og kjennskap til HR-system som SAP og tidregistrering.

Høyrest det meiningsfullt ut å jobbe ein stad med eit inspirerande samfunnsoppdrag? Då trur vi du vil trivast hos oss! Her får du jobbe med samfunnsaktuelle saker i ein nytenkjande organisasjon som borgarane har høg tillit til. Du får arbeide tverrfagleg med kollegaer frå andre fagområde, og du får stor fridom til å planleggje din eigen arbeidsdag.

Hos oss får du rammer som sikrar deg ein god balanse mellom jobb og fritid: Du får fleksitid, betalt overtid, litt kortare arbeidsdagar om sommaren og høve til å trene litt i arbeidstida.. Du får òg medlemskap i Statens pensjonskasse, som har ei av dei beste pensjonsordningane i landet. Der kan du òg søkje om bustadlån med gode vilkår. Les meir på spk.no.

Vi veit at mange ønskjer seg ein fleksibel og hybrid arbeidskvardag, der ein kan veksle mellom å jobbe heimanfrå og på kontoret. Dette legg vi sjølvsagt til rette for. Du kan inngå ein avtale om heimekontor når arbeidsoppgåvene tillèt det.

Du blir tilsett som rådgivar, med ei årslønn på mellom 530 000 og 600 000 kroner, avhengig av kvalifikasjonane dine.

Verdt å merkje seg før du søkjer

Vi er meir opptatte av kva du kan, altså erfaringane dine og kompetansen din, enn kor flink du er til å skrive ein jobbsøknad. Derfor ber vi deg om å levere ein god og informativ CV der du får fram kva du har gjort og oppnådd som gjer deg kvalifisert for stillinga. Du treng altså ikkje å skrive eller leggje ved eit søknadsbrev.

Vi vil at du skal kjenne deg trygg på valet ditt dersom du seier ja til å jobbe hos oss. Er du aktuell for stillinga, tilbyr vi deg derfor ein omvend referansesjekk. Det vil seie at du får ringje nokre av dei tilsette hos oss og stille dei spørsmål for å finne ut om vi er ein god match.

Vi er på jobb for alle, og skal vere ein god arbeidsplass for alle. Likeverd, likestilling og mangfald er ein del av kulturen vår, og vi har nulltoleranse for diskriminerande praksis og åtferd. Har du hòl i CV-en, nedsett funksjonsevne eller innvandrarbakgrunn, oppmodar vi deg til å krysse av for dette når du søkjer. Det gjer at du kan få positiv særbehandling. Vi kallar alltid inn minst éin kvalifisert søkjar frå kvar av desse gruppene til intervju.

Når du søkjer jobb hos oss, vil namnet ditt stå på ei offentleg søkjarliste. Det er mogleg å be om å bli unntatt frå å stå på denne lista. Då må du grunngi kvifor du ønskjer dette, og vi tar deretter stilling til om vi kan innvilge ønsket ditt. Kan vi ikkje det, høyrer du sjølvsagt frå oss.

Kontaktinformasjon