To Faste Deltidsstillingar (20 %) Som Seniorrådgjevar Ved Lektorsenteret

Kunnskap som formar samfunnet

Universitetet i Bergen har ledig to faste deltidsstillingar (20 %) som seniorrådgjevar ved lektorsenteret, med arbeidsoppgåver knytte til praksisopplæring og partnarskap i lektorutdanninga.

Lektorutdanninga ved UiB omfattar 5-årig lektorutdanning og praktisk-pedagogisk utdanning, med til saman om lag 900 studentar. Lektorutdanninga er eit samarbeid mellom ulike fakultet, og blir koordinert av lektorsenteret ved UiB, som òg har spesifikt ansvar for praksisopplæringa. Lektorsenteret har vidare eit ansvar for å koordinere UiB sitt arbeid med kompetanseutvikling i skulen.

UiB ønskjer å styrkje kvaliteten i lektorutdanninga, særleg gjennom praksisopplæringa. Derfor inngår vi i eit meir forpliktande partnarskap og samarbeid med skuleeigarar og skular, bl.a. gjennom universitetsskuleavtaler. UiB har òg innført ny studiemodell for lektorutdanninga som gir høve til utviklingsarbeid undervegs, og for å tenkje nytt rundt praksisformer og praksisopplæringa. Det er òg ønskeleg å få betre koplingar mellom kompetanseutvikling i skulen, praksisopplæringa og fagmiljøa ved UiB.

Til arbeidet med praksisopplæring og partnarskap ønskjer vi å knytte til oss engasjerte lektorar som har erfaring med samarbeid om lektorstudentar i praksis.

Vi ønskjer primært at dei som blir tilsette, er til stades ved lektorsenteret éin dag i veka, eventuelt to halve dagar i veka. Stillingane vil ha tett samarbeid med fagleg praksisleiar ved lektorsenteret og med kvarandre.

Vi ønskjer primært at deltidsstillingane ved lektorsenteret skal kunne kombinerast med undervisningsstillingar ved skulane som UiB har inngått universitetsskuleavtaler med.

Arbeidsperiode
Vi ønskjer oppstart seinast 1. september 2025, men det er mogleg å starte tidlegare. Spesifisert tidsperiode vil derfor bli avtalt ved tilsetjing. Stillinga er fast.

• Delta i arbeidet med å heve og sikre kvaliteten i praksisopplæringa, i samarbeid med ulike aktørar
• Bidra til å utvikle rettleiinga i praksisopplæringa, gjennom ulike tiltak
• Delta i utviklinga av partnarskap med skulesektoren
• Andre oppgåver knytte til partnarskapsarbeid, praksis og deltaking i ulike relevante nettverk og forum kan bli aktuelt. Bidrag i skulebasert kompetanseutvikling kan vere ein del av det

• Det er krav om mastergrad. Relevant realkompetanse kombinert med relevant etter- og vidareutdanning kan i nokre tilfelle kompensere for utdanningskravet
• Det er krav om lærarutdanning
• Det er ønskeleg med minst 5 års arbeidserfaring frå skulen, fortrinnsvis frå vidaregåande skule eller ungdomstrinnet
• Det blir lagt vekt på erfaring som praksisrettleiar eller praksiskoordinator
• Det er ønskeleg med kjennskap til lektorutdanninga ved UiB

Personlege eigenskapar:

• Stort engasjement for utdanning og skulesektoren
• Gode samarbeids- og kommunikasjonsevner
• Sjølvstendig
• Kreativ og idérik

• Spennande og utviklande arbeidsoppgåver i eit godt og fagleg utfordrande arbeidsmiljø
• Lønn som seniorrådgjevar (kode 1364) i årsløn kr 657 300 - 778 000 tilsvarande 100% stilling. For særleg kvalifiserte søkjarar kan høgare lønn vurderast
• Gode velferdsordningar
• Medlemsskap i Statens pensjonskasse

Utfyllande opplysningar om stillinga kan ein få ved å vende seg til: Seksjonssjef Bo Byrkjeland, tlf. 482 80 862, eller senterleiar Endre Brunstad, tlf. 926 60 175.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Du må laste opp følgjande dokumentasjon:

• CV
• Karakterutskrift frå høgare utdanning
• Arbeidsattestar av nyare dato
• Referansar

Informasjon om søknadsprosessen

• Aktuelle kandidatar vert kalla inn til intervju

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger.