Vi Søkjer Helsesjukepleiar I 100 % Fast Stilling

Fjaler kommune har ledig 100 % stilling som helsesjukepleiar. Fjaler helsestasjon har 3 helsesjukepleiarar fordelt på 2,7 årsverk i tillegg til jordmor og lege. Helsestasjonen ligg under helsetenesta saman med legekontoret, fysio- og ergo og psykisk helse. Vi flyttar om kort tid over i nye lokaler og vert samlokalisert med legekontor og psykisk helseteneste.

Frå 01.01.25 opprettar vi også ei ny eining i helsetenesta, Barn, unge og familiar. I tett samarbeid og på tvers av eksisterande fagområde vil vi skape arenaer der vi kan kome tidleg inn for å kartlegge og iverksette tiltak. Vi er i gang med å implementere verktøyet BTI (Betre tverrfagleg innsats). Helsesjukepleiarane har ei sentral rolle inn i dette arbeidet.

Vi søkjer ny medarbeidar, der følgjande arbeidsoppgåver kan inngå:

• Oppgåver i helsestasjon 0-5 år, skulehelseteneste og helsestasjon for ungdom som skissert nasjonale retningslinjer for helsestasjon og skulehelseteneste
• Direkte arbeid med born og ungdom og deira familiar
• Foreldrerettleiing
Fokus på tverrfagleg samarbeid og tidleg innsats

Kvalifikasjonar:

• Offentleg godkjent helsesjukepleiar
• Sjukepleiar under utdanning til helsesjukepleiar eller som ønskjer å ta utdanning som helsesjukepleiar, kan også søke
• Den som vert tilsett må legge fram politi- og tuberkulinattest før tiltreding
• Førarkort klasse B
God norsk munnleg og skriftleg framstillingsevne

Personlege eigenskapar

• Gode kommunikasjons- og samarbeidsevner
• Omgjengeleg, sjølvstendig, strukturert og fagleg engasjert
Evne til å arbeide målretta og sjølvstendig så vel som i team

Vi tilbyr:

• Lønn etter avtale
• Gode pensjons- og forsikringsordningar
• Ein meiningsfull arbeidskvardag saman med trivelege kollegaer
• Varierte og utfordrande oppgåver i arbeid med born, unge og deira familiar

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.